«چیلله» آذربایجان‌دا+ فیلم

به گزارش آذرانجمن، دائیم طبیعت ینن ارتباط دا اولان بابالاریمیز، طبیعتین جانلانماسی و اوینماسینی دیقت ین ایزلییبلر و هر زمان گونش دانیسیجا، شرق دن غربه و غرب دن شرقه کوچ حالیندا اولدوق لاری اوچون، بو حیات قایناغ ینن باغلی چوخلی مراسم لر و بایرام لاری واردی.

ایلین لاپ اوزون و لاپ قرانلیق گئجه سی؛ چین دن اروپایا، مختلف میلت‌لرین طرفیندن مختلف آدلارینان تانیلیر، اما آذربایجان دا ایلین لاپ اوزون گئجه سینه چیلله دییلیر. بو قدیم بایرام دا، عایله لرین بیر یئرده اولماسی و یا آق ساققال لارین و بویوک لرین ائولرینده حضور تاپیلماسی و بیر سوفرا باشیندا اولماسی چوخ اهمیتلی.

چیلله گئجه سی، سفره یه مختلف نعمت لر قویولار و مخصوص یئمک لر طبخ اولونار کی مختلف شهرلرده فرقیلی یئمک لردی، اما بو ایش دن اساس نیت، برکت ین ائولره گلمه سیدی کی چیلله ده گئجه نین آخرینیجان بیریئرده بو یئمک لر صرف اولونوب، دییب گولونر تا گئجه نین شرری گئتسین.

چیله و آذربایجانین بوتون بایرام لاری، بیزیم معنوی ثروت لریمیزدیلر و بو مناسب لردیکی بیزیم هویتیمیزی ساخلییر و گلن نسل لره ده انتقال وئریر پس بو عیلت گوره بیزلر بو گوزل و دیرلی بایرام لاریمیزی حیفظ ائله ماق دا مسئولوق.

عزیز آذرانجمن سیز چیلله گئجه سی هانسی یئمک لری پیشیررسیز و سفره زه هانسی نعمت لری قویارسیز؟!

انتهای پیام/